திருப்பரங்குன்றம்: திருப்பரங்குன்றம் சுப்பிரமணிய சுவாமி கோயிலில் பங்குனி 5ம் நாள் திருவிழாவாக நேற்று(ஏப்.,1) சுவாமி கை பாரம் நிகழ்ச்சி நடந்தது.

கோயிலில் மார்ச் 26ல் துவங்கிய பங்குனி திருவிழாவில் தினம் ஒரு வாகனத்தில் சுவாமி எழுந்தருளி அருள்பாலிக்கிறார். நேற்றிரவு சுவாமி தெய்வானை வெள்ளி யானை வாகனத்தில் எழுந்தருளினர். 2 டன் எடை கொண்ட இவ்வாகனத்தை சீர்பாதங்கள், கிராமத்தினர், பக்தர்கள் உள்ளங்கைகளில் தலைக்குமேல் துாக்கி கொண்டு கொத்தாள முக்கு முதல் கோயில் வாசல் வரை ஓடினர். தீபாராதனைக்கு பின்பு பக்தர்களுக்கு சந்தனம் வழங்கப்பட்டது.

திருக்கல்யாணம்: திருவிழாவின் முக்கிய நிகழ்ச்சியாக இன்று சைவ சமய ஸ்தாபித வரலாற்று லீலை, ஏப்.,5ல் பங்குனி உத்திரம், 6ல் சூரசம்ஹாரம், 7ல் பட்டாபிஷேகம், 8ல் திருக்கல்யாணம், 9ல் தேரோட்டம், 10ல் தீர்த்த உற்ஸவம் நடக்கிறது.