நாகர்கோவில்: கன்னியாகுமரி பகவதி அம்மன் கோயிலில் நேற்று வைகாசி திருவிழா தேரோட்டம் நடைபெற்றது. கன்னியாகுமரி கடற்கரையில் அமைந்துள்ள பிரசித்தி பெற்ற பகவதி அம்மன் கோயிலில் வைகாசி திருவிழா கடந்தங 24–ம் தேதி கொடியேற்றத்தடுன் தொடங்கியது. தொடர்ந்து விழாவில் தினமும் தேவி பல்வேறு வாகனங்களில் வீதி உலா வரும் நிகழ்ச்சி நடைபெற்றது. ஒன்பதாம் திருவிழாவான நேற்று காலை 8:30 மணிக்கு வெள்ளிப்பல்லக்கில் தேருக்கு எழுந்தருளினார். 9:00 மணிக்கு தேரோட்டம் தொடங்கியது. இதில் அமைச்சர் மனோ தங்கராஜ், முன்னாள் அமைச்சர் சுரேஷ்ராஜன் உள்ளிட்டோர் கலந்து கொண்டனர். தேர் திருவிழாவுக்காக காலை 10:00 முதல் மதியம் 2:00 மணி வரை படகு போக்குவரத்து ரத்து செய்யப்பட்டிருந்தது. இன்று காலை 9:00 மணிக்கு முக்கடல் சங்கமத்தில் ஆராட்டு நடைபெறுகிறது.