நத்தம், நத்தம், கோவில்பட்டி கைலாசநாதர் கோவிலில் கார்த்திகை மாத முதல் சோமவார விழாவில் 1008 சங்காபிஷேகம் நடைபெற்றது. ஏராளமானோர் கலந்து கொண்டனர். இதையொட்டி மூலவர் கைலாசநாதர்-செண்பகவள்ளி அம்மனுக்கு பால், பழம், பன்னீர், விபூதி, சந்தனம், புஷ்பம், இளநீர், பஞ்சாமிர்தம், உள்ளிட்ட 16 வகையான அபிஷேகங்கள், அலங்காரம், தீபாராதனைகள் நடந்தது. தொடர்ந்து உலக நன்மை வேண்டி காலையில் 108 சங்காபிஷேகமும் மாலை கோவில் வளாகத்தில் 1008 சங்காபிஷேகம் நடந்தது. 1008 சங்குகளை சிவலிங்க வடிவத்தில் அமைக்கப்பட்டு பின் சங்கில் இருந்த தீர்த்தங்கள் கைலாசநாதருக்கு சிறப்பு அபிஷேகம் செய்யப்பட்டது. இதில் சுற்றுவட்டாரங்களிலிருந்து ஏராளமான பக்தர்கள் தரிசனம் செய்தனர். இதைப்போலவே சாணார்பட்டி வி.டி.பட்டி ஊராட்சி கோவில்பட்டியில் உள்ள பசுபதீஸ்வரர் கோவிலில் கார்த்திகை சோமவார சிறப்பு பூஜைகள் மற்றும் சங்காபிஷேகம் நடந்தது. இதில் சுற்று வட்டாரத்தில் இருந்து ஏராளமான பக்தர்கள் கலந்து கொண்டு தரிசனம் செய்தனர்.