சிங்கம்புணரி; சிங்கம்புணரி அருகே முறையூர் மீனாட்சி சொக்கநாதர் கோயில் ஆனித்திருவிழாவின் 10ம் திருநாளையொட்டி தீர்த்தவாரி உற்சவம் நடத்தது. காலை 10:00 மணிக்கு சுவாமி அம்மன் புறப்பாடு, ஊடல் உற்சவம் நடந்தது. தொடர்ந்து மதியம் 12:30 மணிக்கு பாலாற்றில் தீர்த்தம் கொடுக்கப்பட்டது. மாலை 5:00 மணிக்கு தீர்த்தமண்டகப்படியும், இரவு 8:00 மணிக்கு பஞ்சமூர்த்திகள் மண்டகப்படிக்கு எழுந்தருளும் நிகழ்ச்சியும் நடந்தது. பெண்கள் பூத்தட்டு எடுத்து வந்து சுவாமியை வழிபட்டனர். அதிகாலை பஞ்சமூர்த்திகள் புறப்பாடு நடந்தது. தொடர்ந்து கொடி இறக்கப்பட்டு காப்பு கலைதல், ஆச்சார்ய உற்சவத்துடன் திருவிழா நிறைவு பெற்றது.