மானாமதுரை; மானாமதுரை வீர அழகர் கோவிலில் ஆடி பிரம்மோற்ஸவ திருவிழா கொடியேற்றத்துடன் துவங்கியது. 

சிவகங்கை சமஸ்தானம் தேவஸ்தான நிர்வாகத்துக்குட்பட்ட மானாமதுரை வீர அழகர் கோயிலில் வருடம் தோறும் ஆடி பிரம்மோற்ஸவ விழா 10 நாட்கள் நடைபெறும்.விழா நாட்களில் பல்வேறு வாகனங்களில் மண்டகப் படிகளுக்கு எழுந்தருளி காட்சியளிக்க உள்ளார். இந்தாண்டுக்கான விழா இன்று 13ம் தேதி காலை கொடியேற்றத்துடன் துவங்கியது. திருக்கல்யாணம் வருகிற 18ம் தேதி மாலை 6:00 மணியிலிருந்து இரவு 7:35 மணிக்குள் நடைபெற உள்ளது. ஜூலை 21 மாலை 6:00 மணியிலிருந்து 6:30 மணிக்குள் தேரோட்டமும், 22ம் தேதி பட்டத்தரசி கிராம மண்டகப்படியில் தீர்த்தவாரி உற்ஸவ நிகழ்ச்சி நடைபெற உள்ளது. ஏற்பாடுகளை தேவஸ்தான மேலாளர் இளங்கோ,கண்காணிப்பாளர் சீனிவாசன், அர்ச்சகர் கோபி மாதவன் (எ) முத்துச்சாமி செய்து வருகின்றனர்.