காஞ்சிபுரம்; காஞ்சிபுரம் காமாட்சி அம்மனின் ஜென்ம நட்சத்திரமான ஐப்பசி மாத பூரம் நட்சத்திரத்தையொட்டி, கோவில் வளாகத்தில் கொலு மண்டபத்தில் திருவிளக்கு பூஜை நடந்தது. இதில், 300க்கும் மேற்பட்ட பெண்கள் திருவிளக்கு பூஜையில் பங்கேற்று குத்துவிளக்கேற்றி குங்குமம்,மற்றும் மலர்களால் அர்ச்சனை செய்தனர். அதை தொடர்ந்து, காமாட்சி அம்பாள் லட்சுமி சரஸ்வதி தேவியருடன், சிறப்பு அலங்காரத்தில் குளத்தின் அருகில் மலர் அலங்காரத்தில் எழுந்தருளி அருள்பாலித்தார். பல வித மலர்களால் அம்மனுக்கு புஷ்பாஞ்சலியும், துாப தீபாராதனையும் நடந்தது. விழாவில் கோவில் ஸ்ரீகார்யம் சுந்தரேச அய்யர், மணியக்காரர் சூரியநாராயணன் உட்பட பலர் பங்கேற்றனர்.