விருத்தாசலம்; விருத்தாசலம் அடுத்த மணவாளநல்லுார் கொளஞ்சியப்பர் கோவிலில் கந்த சஷ்டி துவக்க விழா துவங்கியது. அதையொட்டி, இன்று காலை 8:00 மணிக்கு பால், தயிர், சந்தனம் உள்ளிட்ட திரவியங்களால் சுவாமிக்கு சிறப்பு அபி ேஷகம் நடந்தது. காலை 9:00 மணிக்கு சிறப்பு அலங்காரத்தில் கொளஞ்சியப்பர், சித்தி விநாயகர் சுவாமிகள் அருள்பாலித்தனர். காலை 9:30 மணிக்கு தீபாராதனை நடந்தது. இதில், ஏராளமானோர் தரிசனம் செய்தனர். வரும் 7ம் தேதி சஷ்டியையொட்டி, காலை 10:00 மணிக்கு சிறப்பு யாகம் மற்றும் பூஜைகள் நடக்கிறது. அதைத்தொடர்ந்து வெள்ளித் தேரில் சுவாமி உலாவந்து பக்தர்களுக்கு அருள்பாலிக்கிறார்.