திருப்பதி; திருமலையில் கைசிக துவாதசியை முன்னிட்டு ஏழுமலையான் கருவறையில் இருக்கும் உக்கிர சீனிவாசமூா்த்தி கோயிலுக்குள் வலம் வந்து அருள்பாலித்தார்.

திருமலையில் கைசிகதுவாதசியை முன்னிட்டு, இன்று அதிகாலை 4.45 மணி முதல் 5.45 மணி வரை ஸ்ரீதேவி, பூதேவி சமேதராக ஸ்ரீ உக்ரசீனிவாசமூர்த்தி கோயிலில் மாட வீதிகளில் உலா வந்து பக்தர்களுக்கு காட்சியளித்தனர்.  அபூர்வமாக கருவறையில் இருக்கும் உக்கிர சீனிவாசமூா்த்தி இன்று மட்டுமே வெளியே வருவார். உக்ரசீனிவாசமூர்த்தி, ஸ்ரீதேவி பூதேவியுடன் கைசிக துவாதசி நாளில் மட்டும் சூரிய உதயத்திற்கு முன் வீதிகளில் வீதியுலா வருகிறார். சூரிய உதயத்துக்கு முன்பு அவா் கொடிமரம் பிரதட்சணம் செய்தபடி எழுந்தருளினாா். அவரை தங்க வாசல் முன்பு எழுந்தருள செய்து அா்ச்சகா்கள் ஆஸ்தானம் நடத்தினா். இந்நிகழ்ச்சியில் சின்ன ஜீயர்சுவாமி, கோவில் அதிகாரிகள் சி.ஹெச்.வெங்கய்ய சௌத்ரி, சீவிஎஸ்வோ ஸ்ரீதர், டெப்டி ஈவோ லோகநாதன், பேஷ்கார் ராமகிருஷ்ணா மற்றும் ஏராளமான பக்தர்கள் தரிசனம் செய்தனர்.