கோவை; சிங்காநல்லூர் அருகே உள்ள நீலி கோணாம்பாளையத்தில் வருடம் தோறும் ஐப்பசி மாதத்தில் கூத்தாண்டவர் என்னும் அரவான் திருவிழா நடைபெற்று வருகிறது. இந்த வருடம் விழா கடந்த மாதம் 29ம் தேதி பூச்சாட்டு நிகழ்ச்சியுடன் துவங்கியது. அதைத்தொடர்ந்து 05ம் தேதி கம்பம் நடும் நிகழ்வு நடைபெற்றது. 8ம் தேதி திருவிளக்கு பூஜை நடைபெற்றது. விழாவை முன்னிட்டு இன்று அரவான் சுவாமி திரு வீதி உலா வந்து பக்தர்களுக்கு அருள்பாலித்தார். இந்த நிகழ்ச்சி ஏராளமான பக்தர்கள் கலந்து கொண்டு தரிசனம் செய்தனர்.