கோவை; வெள்ளலுார், சக்தி விநாயகர் நகரில் உள்ள சக்தி விநாயகர், தையல் நாயகி உடனமர் வைத்தீஸ்வரர் கோவில் ஏழாமாண்டு விழா நடந்தது. விழா முன்னிட்டு, காலை 8:30 மணிக்கு கோ பூஜை, மஹா யாகம், 108 சங்காபிஷேகம் நடந்தது. காலை 10.30 மணிக்கு, ஆடல் வல்லான் திருக்கயிலாய வாத்திய குழுவினரின் கைலாய இசை நிகழ்ச்சி நட்நதது. மாலையில் சீர் வரிசைபொருட்களை, பக்தர்கள் ஊர்வலமாக கோவிலுக்கு கொண்டு வந்தனர். இரவு 7:30 மணிக்கு திருக்கல்யாண உற்சவம் நடந்தது. இரவு அன்னதானத்துடன் திருக்கல்யாண விழா நிறைவடைந்தது. விழவுக்கான ஏற்பாடுகளை, கோவில் நிர்வாக கமிட்டியினர், மகளிர் வழிபாட்டுக்குழு மற்றும் ஊர் பொதுமக்கள் செய்திருந்தனர்.