ராமேஸ்வரம்; நாளை (ஜன., 29) தை அமாவாசை யொட்டி ராமேஸ்வரம் அக்னி தீர்த்தத்தில் பக்தர்கள் பாதுகாப்பாக புனித நீராட போலீசார் தீவிரமாக ஏற்பாடு செய்துள்ளனர். நாளை தை அமாவாசை யொட்டி தமிழகத்தின் பல பகுதியில் இருந்து ஏராளமான பக்தர்கள் ராமேஸ்வரம் ராமநாதசுவாமி கோயிலுக்கு வருவார்கள். பக்தர்கள் முதலில் கோயில் அக்னி தீர்த்த கடலில் நீராடி விட்டு கோயில் வளாகத்தில் உள்ள 22 தீர்த்தங்களை நீராடி சுவாமி தரிசனம் செய்வார்கள். பக்தர்கள் சிரமம் இன்றி நீராடவும், கோயிலுக்குள் தரிசனம் செய்யவும் 300 போலீசார் ராமேஸ்வரம் பஸ் ஸ்டாண்ட் முதல் கோயில் அக்னி தீர்த்தம் கடற்கரை வரை பாதுகாப்பில் ஈடுபட உள்ளனர். மேலும் கோயில் வளாகத்தில் பக்தர்கள் வரிசையில் சென்று நீராட கோயில் நிர்வாகம் தடுப்பு வேலிகள் அமைத்துள்ளது.