தென்காசி: தென்காசி தட்சிணாமூர்த்தி கோயிலில் நாளை (10ம் தேதி) ஜோதி வழிபாடு நடக்கிறது.தென்காசி ஆயிரப்பேரி ரோட்டில் தட்சிணாமூர்த்தி சைவ சித்தாந்த மடாலயம் உள்ளது. இங்குள்ள தட்சிணாமூர்த்திக்கு மார்கழி மாத கடைசி வியாழக்கிழமையை முன்னிட்டு நாளை (10ம் தேதி) சிறப்பு பூஜை வழிபாடு நடக்கிறது. அதிகாலையில் நறுமணப் பொருட்களால் மகாபிஷேகம் செய்யப்படுகிறது. தொடர்ந்து ஜோதி வழிபாடு நடக்கிறது.கோயில் சன்னதியில் விளக்கு தீபம் ஏற்றப்பட்டு சிறப்பு தீபாராதனை நடக்கிறது. மாலையில் புஷ்பாஞ்சலி மற்றும் சிறப்பு பூஜை வழிபாடு நடக்கிறது. பக்தர்களுக்கு பிரசாதம் வழங்கப்படுகிறது.