திருக்கோவிலூர்: திருவண்ணாமலை பகவான், யோகி ராம்சுரத்குமார் மகராஜின், 96ம் ஆண்டு ஜெயந்தி விழாவை முன்னிட்டு, அதிஷ்டானத்தில் ஏகாதசருத்ர ஜபம் நடந்தது. விழாவின் இரண்டாம் நாளான நேற்று காலை, 7.00 மணிக்கு, பிரதான் மந்திரில் கடஸ்தாபனம், மகன்யாசம், ஏகாதசருத்ர ஜபம், யாகசாலை பூஜை, கடம் புறப்பாடாகியது. பகல், 11.00 மணிக்கு, அதிஷ்டானத்தில் மகா அபிஷேகம், அலங்காரம், அர்ச்சனை, சோடசோபசார தீபாராதனை நடந்தது. சென்னை பார்த்தசாரதி குழுவினரின் வீணை கச்சேரி மற்றும் பக்தர்களின் பஜனை நடந்தது. மாலை, 4:00 மணிக்கு, சென்னை சத்குருநாத ஓதுவாரின் தேவாரம்; 6:00 மணிக்கு, ஸ்ரீமதி பங்கஜம் தாஸ் குழுவினரின் இன்னிசை; இரவு 7:45 மணிக்கு, வெள்ளி ரதத்தில் உற்சவர் உலா, ஆரத்தி நடந்தன.