ராமேஸ்வரம்: ராமேஸ்வரம் ராமநாதசுவாமி கோயில் உண்டியல்கள் 27 நாட்களுக்கு பிறகு நேற்று திறக்கப்பட்டு, திருக்கல்யாண மண்டபத்தில் காணிக்கை எண்ணப்பட்டது. ஸ்ரீபர்வ வர்த்தினி பெண்கள் மேல்நிலைப்பள்ளி மாணவிகள், கோயில் ஊழியர்கள் இப்பணியில் ஈடுபட்டனர். இதில் ரூ.70 லட்சத்து 3 ஆயிரத்து 719 ரொக்கம், தங்கம் 55 கிராம், வெள்ளி 5கிலோ 780 கிராம் கிடைத்தன. கோயில் இணை கமிஷனர் செல்வராஜ், கட்டுமானப்பணி உதவி கோட்ட பொறியாளர் மயில்வாகனன், கோயில் கண்காணிப்பாளர்கள் ககாரின் ராஜ், ராஜாங்கம், பேஷ்கர்கள் ராதா, அண்ணாதுரை, கமலநாதன் பங்கேற்றனர்.