சாயல்குடி: சாயல்குடி அருகே, மும்மதத்தினரும், பூக்குழி இறங்கிய மதநல்லிணக்க விழா நடந்தது. ராமநாதபுரம் மாவட்டம், சாயல்குடி, பெரியகுளத்தில் மாமுநாச்சியார் அம்மன் கோவில் உள்ளது. மொகரம் பண்டிகையையொட்டி, அம்மனுக்கு பூக்குழி விழா நடந்தது. நேற்று அதிகாலை, 4:30 மணிக்கு பூக்குழி இறங்கும் நிகழ்ச்சி நடந்தது. கோவில் கண்மாயில் குளித்துவிட்டு, மும்மதத்தை சேர்ந்த, 100க்கும் மேற்பட்ட ஆண்கள் பூக்குழி இறங்கி வேண்டுதலை நிறைவேற்றினர்.பெண்கள் தலையில் பாத்திரத்தில், தீ வைத்து தட்டும் நிகழ்ச்சி நடந்தது. இதில், சுற்றுப்பகுதியை சேர்ந்த ஏராளமான பக்தர்கள் பங்கேற்றனர்.