கள்ளக்குறிச்சி: கள்ளக்குறிச்சி பகுதி சிவன் கோவில்களில் மார்ச்,6ல் பிரதோஷ வழிபாடு நடந்தது. கள்ளக்குறிச்சி அடுத்த நீலமங்கலம் செம்பொற்ஜோதிநாதர் கோவிலில் மாசி மாத இரண்டாம் சனிப்பிரதோஷ வழிபாட்டையொட்டி நேற்று சிறப்பு பூஜைகள் நடந்தது.

இன்று இக்கோவிலில் மகாசிவராத்திரியையொட்டி மாலை 5:00 மணிமுதல் மறுநாள் காலை 6:00 மணிவரை நான்கு கால பூஜைகள் நடக்கிறது. அதேபோல் நீலமங்கலம், ஏமப்பேர், சோமண்டார்குடி, முடியனூர், தென்கீரனூர், கனங்கூர், வரஞ்சரம், சடையம்பட்டு, வடக்கநந்தல் ஆகிய கோவில்களிலும் பிரதோஷ வழிபாடு நடந்தது. சின்னசேலம் தென்பொன்பரப்பி சொர்ணபுரீஸ்வரர் கோவிலில் பிரதோஷ வழிபாட்டையொட்டி மூலவருக்கு சிறப்பு அலங்காரம், நந்தீஸ்வரருக்கு அபிஷேகம் நடந்தது.