காரைக்கால்: காரைக்கால் கைலாசநாதர் கோவில் வரும் 22ம் தேதி தேர்திருவிழாவை முன்னிட்டு உள்ளூர் விடுமுறை அளிக்கவேண்டும் என்று ஆலய பாதுகாப்பு இயக்கம் சார்பில் கலெக்டர் கரிகாலனிடம் கோரிக்கை மனு அளித்தனர். காரைக்கால் கைலாசநாதர் கோவில் நடைபெறும் பங்குனி உத்திரத் திருவிழாவை முன்னிட்டு வரும் 23ம் தேதி தேரோட்டம் நடைபெறுகிறது. காரைக்காலில் உள்ள இந்து சமயத்தின் அனைத்து ஜாதியினரும் உபயாக செய்து வருகிறோம். இத்தேரோட்டத் திருவிழா மாங்கனித் திருவிழாவிற்குப் பிறகு நடக்கும் மிகப்பெரிய திருவிழா இதில் அனைத்து ஹிந்து மக்களும் கலந்துகொள்ளும் விதமாக கடந்த 4 ஆண்டுகளாக அனைத்து பள்ளி,க ல்லூரி மற்றும் அரசு அலுவலகங்களுக்கு மாவட்ட நிர்வாகம் உள்ளூர் விடுமுறை அறிவித்து வருகிறது. இந்நிலையில் இந்த ஆண்டு தேரோட்டத்திற்கும் உள்ளூர் விடுமுறை கிடையாது என்று கோவில் அதிகாரி அறிவித்துள்ளார். எனவே வரும் 22ம் தேதி பள்ளி,கல்லூரி மற்றும் அரசு அலுவலகங்களுக்கு மாவட்ட  நிர்வாகம் சார்பில் உள்ளூர் விடுமுறை அறிவிக்கவேண்டும் என்று ஆலய பாதுகாப்பு இயக்கம் கலெக்டரிடம் கோரிக்கை வைக்கப்பட்டது.