காஞ்சிபுரம்: குண்ணங்குளத்துார் கும்பேஸ்வரர் கோவிலில், பங்குனி உத்திர  திருவிழாவில், இன்று, திருக்கல்யாண  நிகழ்ச்சி நடைபெறுகிறது.  மதுராந்தகம் வட்டம், திருமலை வையாவூர் அருகில் உள்ள குண்ணங்குளத்துாரில் உள்ள மங்களாம்பிகை உடனுறை கும்பேஸ்வரர் கோவிலில்,   64வது ஆண்டு பங்குனி உத்திர திருக்கல்யாண நிகழ்ச்சி, இன்று இரவு, 8:00 மணியளவில் நடைபெறுகிறது.  அதை தொடர்ந்து, இரவு, 10:00 மணி யளவில் கல்யாண திருகோலத்தில் ரிஷப வாகனத்தில் சுவாமி முக்கிய தெருக்களில் வலம் வந்து பக்தர்களுக்கு அருள்பாலிப்பார். விழாவையெ õட்டி, இன்று காலை, 10:00 மணியளவில் மூலவருக்கு அபிஷேகமும், 11:00 மணியளவில் சந்தனக்காப்பும் நடைபெறுகிறது. இரவு, 7:00 மணிக்கு  இல.வெங்கடேசன் ஆன்மிக சொற்பொழிவாற்றுகிறார். இரவு,   திருக்கல்யாண நிகழ்ச்சி நடைபெற உள்ளது. விழாவிற்கான ஏற்பாடுகளை குண்ணங்குளத்துார் கிராமவாசிகளும், விழா குழுவினரும் செய்து வருகின்றனர்.