கடலுார்: கடலுார் முதுநகர் காமாட்சி அம்மன் கோவிலில் கிண்ணித்தேர் பிரம்மேற்சவம் இன்று துவங்குகிறது. அதனையொட்டி கடந்த 13ம் தேதி  காலை விநாயகர் பூஜையுடன் விழா துவங்கியது. தொடர்ந்து தினமும் சுவாமிக்கு சிறப்பு அபிஷேகம், தீபாராதனையும், பல்வேறு வாகனங்களில்  சுவாமி வீதியுலா நடக்கிறது. முக்கிய விழாவான கிண்ணித்தேர் உற்சவம் இன்று (22ம் தேதி) நடக்கிறது. அதனையொட்டி இன்று காலை சுப்ரமணிய  சுவாமி மயில் வாகனத்தில் வீதியுலாவும், இரவு 7:00 மணிக்கு மூலவர் சந்தனக்காப்பு அலங்காரத்தில் அருள்பாலிக்கிறார். தொடர்ந்து உற்சவர் தேரு க்கு சிறப்பு புஷ்ப அலங்காரம் நடக்கிறது. பின்னர் இரவு 1:30 மணிக்கு அலங்கரிக்கப்பட்ட கிண்ணித்தேரில் சுவாமி வீதியுலா நடக்கிறது.