காஞ்சிபுரம் : திருக்கச்சிநம்பி கோவிலில், வருஷோத்ஸவம் நேற்று துவங்கியது. காஞ்சிபுரம், வரதராஜ பெருமாளின் அந்தரங்க பக்தராகவும், திருவாலவட்டம் முதலான கைங்கர்யம் செய்தவராகவும் விளங்கியவர் திருக்கச்சிநம்பிகள். இவருக்கு, அஷ்டபுஜபெருமாள் கோவிலில் இருந்து, வரதராஜ பெருமாள் கோவிலுக்கு செல்லும் வழியில், தனி கோவில் உள்ளது. இதனால் இத்தெரு, ’திருக்கச்சி நம்பி தெரு’ என, அழைக்கப்படுகிறது. திருக்கச்சிநம்பிகளுக்கு, ’மாமுல்படி’ எனப்படும், வருஷத்திய முதல் நாள் உற்சவ வைபவம், நேற்று மாலை துவங்கியது. இதில், திருக்கச்சிநம்பிகள், மலர் அலங்காரத்தில் பக்தர்களுக்கு அருள்பாலித்தார்.பிப்., 24ல், மிருகசீரிஷ நட்சத்திர சாற்றுமறையும், வரதராஜ பெருமாள், திருக்கச்சிநம்பிகள் சன்னதிக்கு எழுந்தருளி, சேவை சாற்றுமுறை நடைபெற உள்ளது.