நாமகிரிப்பேட்டை: ஒடுவன்குறிச்சியில், பொன்னம்பல அண்ணமார் சுவாமி கோவில் திருவிழா நடக்கவுள்ளது. நாமகிரிப்பேட்டை அடுத்த, ஒடுவன்குறிச்சியில் பொன்னம்பல அண்ணமார் சுவாமி கோவில் உள்ளது. கோவில் மாசி மக திருவிழா, கடந்த, 18ல் சுவாமியை வீட்டுக்கு அழைக்கும் நிகழ்ச்சியுடன் துவங்கியது. 19ல் மஞ்சள் முடிப்பு கட்டுதல் நிகழ்ச்சி நடந்தது. மார்ச், 1ல், வாண வேடிக்கையும் சிறப்பு பூஜை நடைபெறும். 2ல் பொங்கல் வைத்தல், ஊஞ்சல் பாட்டு ஆகியவை நடக்கவுள்ளது. மதியம், 1:00 மணிக்கு சுவாமி வீடு புறப்படும் நிகழ்ச்சியுடன் விழா முடிவடைகிறது. ஏற்பாடுகளை, பொன்னம்பல அண்ணமார் சுவாமி குலால பக்த ஜன சபையினர் செய்து வருகின்றனர்.