சின்னமனூர்:சின்னமனூர் திருக்குறள் பண்பாட்டு இயக்கம் மற்றும் நூலக வாசகர் வட்டம் சார்பில் திருக்குறள் தொடர் வகுப்பு, கிளை நூலகத்தில் நடந்தது. வாசகர் வட்ட தலைவர் நந்தகோபால் தலைமை வகித்தார். சீலையம்பட்டி இந்து நடுநிலைப்பள்ளி செயலாளர் சண்முக நாதன் முன்னிலை வகித்தார். திருக்குறள் பண்பாட்டு இயக்க அமைப்பாளர் முத்துக் குமார் வரவேற்றார். உத்தமபாளையம் கிராம நிர்வாக அலுவலர் கவிதா, புலவர் மணி, ஆசிரியர் அழகுமலை, வாசகர் வட்ட பொருளாளர் விஸ்வநாதன், கவிஞர் தங்கேஸ்வரன், ஆசிரியர் ராமநாதன், ஜெயபிரபா உள்ளிட்டோர் பங்கேற்றனர். வெப்காமை அதிகாரம் குறித்து ஆசிரியர் செல்வம் விளக்கம் அளித்தார். திருக்குறள் பண்பாட்டு இயக்கச் செயலாளர் கற்பூர பூபதி நன்றி தெரிவித்தார். மாணவர்களுக்கு திருக்குறள் புத்தகம் வழங்கப்பட்டது.