கள்ளக்குறிச்சி: கள்ளக்குறிச்சி, சின்னசேலம் பகுதி சிவன் கோவில்களில் பிரதோஷ சிறப்பு பூஜை நடந்தது.கள்ளக்குறிச்சி அடுத்த சாமியார்மடம் திருநீற்றம்மை சமேத செம்பொற் ஜோதிநாதர் கோவிலில் கார்த்திகை மாத முதல் பிரதோஷ வழிபாடு நடத்தப்பட்டது.

நந்தீஸ்வரருக்கு சிறப்பு அபிஷேகம் நடத்தி, சுவாமிகளுக்கு பால், தயிர், இளநீர் போன்ற திவ்ய பொருட்களால் பூஜைகள் செய்து, பல வண்ண மலர்களால் அலங்காரம் செய்து, தேவாரம், திருவாசகம் பாடி பிரதோஷ பூஜை நடத்தப்பட்டது.

இதேபோல் கள்ளக்குறிச்சி சிவகாமசுந்தரி சமேத சிதம்பரேஸ் வரர், நீலமங்கலம், கமலா நேரு தெரு ஏகாம்பரேஸ்வரர், ஏமப்பேர் விஸ்வநாதர், முடியனூர், தென்கீரனூர் அருணா சலேஸ்வரர், வரஞ்சரம் பசுபதீஸ்வரர், சோமண்டார்குடி சோமநாதீஸ்வரர், தண்டலை சுயம்பு நாதேஸ்வரர், கணங்கூர் ராமநாதீஸ்வரர், சடையம்பட்டு கேதாரீஸ்வரர், வடக்கநந்தல் உமாமகேஸ்வரர், ஆலத்தூர் திருவாலீஸ்வரர் கோவில்களிலும் நந்திபெருமானுக்கு சிறப்பு அபிஷேகம், அலங்காரம் செய்து, சிறப்பு பூஜைகள் நடத்தி,

பிரதோஷ பூஜை நடந்தது. அலங்கரிக்கப்பட்ட உற்சவர் கோவில் பிரகாரத்தை வலம் வந்து அருள்பாலித்தனர்.

* சின்னசேலம் : தென்பொன்பரப்பி சொர்ணபுரீஸ்வரர் கோவிலில் பிரதோஷத்தையொட்டி மூலவருக்கு சிறப்பு அலங்காரம், நந்தீஸ்வரருக்கு அபிஷேகம் மற்றும் பூஜைகள் நடத்தி மகா
தீபாராதனை நடந்தது. இதேபோல் சின்னசேலம் கங்காதீஸ்வரர், ராயர்பாளையம் குமாரதேவர் மடம் பழமலைநாதர், கூகையூர் சொர்ணபுரீஸ்வரர், பஞ்சாட்சரநாதர் கோவில்களிலும் கார்த்திகை மாத பிரதோஷ பூஜை நடந்தது.