சரவணம்பட்டி:சின்னவேடம்பட்டி, சிரவணபுரம் கவுமார மடாலயம், தண்டபாணி சுவாமி கோவிலில், நாளை (ஜன., 18ல்) தைப்பூச தேர்ப்பெருவிழா துவங்குகிறது.

காலை 10:00 மணிக்கு விநாயகர் வேள்வி, தொடர்ந்து வாஸ்து சாந்தி நடக்கிறது. வரும் 19ல், கொடியேற்றமும் திருவீதி உலாவும் நடக்கிறது.

ஞாயிறன்று, திருக்கல்யாணம், குதிரைவாகன திருவீதி உலா நடக்கிறது. வரும் 21ல், மகா பிஷேகம், அன்னதானம், திருத்தேர் வடம் பிடித்தல் போன்ற நிகழ்ச்சிகள் நடக்கின்றன. இந்த திருவிழா, வரும் 23ல் நிறைவு பெறுகிறது.