ராமாயணத்தில் ’கடன்பட்டார் நெஞ்சம் போல’  என்று உவமை கூறியுள்ளார் கம்பர். ’காலைச் சுற்றிய பாம்பு கடன்’ என்பார்கள்  பெரியவர்கள்.

இதிலிருந்து மீள லட்சுமி நரசிம்மர் மீது பாடப்பட்ட ’ருண விமோசன ஸ்தோத்திரம்’ படிப்பது நல்லது. சமஸ்கிருதத்தில் இருப்பதால் படிக்க இயலாதவர்கள் கீழ்க்கண்டவாறு செய்யலாம். ’லட்சுமி நரசிம்மம் சரணம் ப்ரபத்யே’ என்னும் மந்திரத்தை மாலை  6:00 மணிக்கு விளக்கேற்றியதும் 108 முறை சொல்ல வேண்டும். அப்போது பசும்பால் அல்லது பானகம் (வெல்லம், எலுமிச்சை சாறு, தண்ணீர் சேர்ந்த கலவை) நரசிம்மருக்கு பிரசாதமாக வைக்க வேண்டும். திருமணத் தடை,  மனக்குழப்பம், நிம்மதியின்மை, செவ்வாய் தோஷம் தீர 48 நாட்கள் தொடர்ந்து செய்யுங்கள்.