நல்லவர்களின் நட்பை நாடும் மேஷ ராசி அன்பர்களே!

இந்த மாதம் கூடுதல் நன்மையை எதிர் பார்க்கலாம் முக்கிய கிரகங்களில் 7- ல் இருக்கும் குரு அனுகூலம் தர காத்திருக்கிறார்.  உங்கள் ராசிக்கு 4- ல் இருக்கும்  சுக்கிரன் மாதம் முழுவதும் நன்மை தருவார். சூரியன்  மிதுனத்தில் இருந்து முன்னேற்றம் தருவார். தற்போது மிதுனத்தில் இருக்கும் புதன், ஜூன் 24ல் கடகத்திற்கு மாறி நன்மை தருவார். முயற்சி அனைத்திலும் வெற்றி காணலாம். பொருளாதார வளம் மேம்படும்.

மனதில் மகிழ்ச்சி அதிகரிக்கும். புதிய வீடு, மனை, வாகனம் வாங்க யோகம் கூடி வரும். தடைபட்ட திருமணம் நடக்க வாய்ப்புண்டு. ஜூன் 23,24ல்  பெண்கள்  உதவிகரமாக இருப்பர். விருந்து, விழா என சென்று வருவீர்கள். ஜூலை 12,13ல் புத்தாடை, அணிகலன்கள் வாங்கலாம். ஜூலை 2,3,4ல் உறவினர்கள் வருகையும் அவர்களால் நன்மையும்
கிடைக்கும். அதே நேரம் ஜூன் 16,17, ஜூலை 14,15ல் அவர்கள் வகையில் மனக்கசப்பு வர வாய்ப்புண்டு.  

பணியாளர்கள் சிறப்பான பலனை பெறுவர். அரசு ஊழியர்கள் ஜூன் 24 வரை சற்று கவனமாக இருக்கவும். சிலர் வேலை விஷயமாக வெளியூர் செல்வர். அதன் பின் பதவி உயர்வு கிடைக்கும். கோரிக்கை ஒவ்வொன்றாக நிறைவேறும்.

மேலதிகாரிகளின் ஆதரவு கிடைக்கும். பதவி உயர்வு கிடைக்க வாய்ப்புண்டு. பணியிடத்தில் செல்வாக்கு அதிகரிக்கும். வேலை நிமித்தமாக குடும்பத்தை விட்டு பிரிந்தவர்கள் ஒன்று சேருவர். அரசு வகையில் எதிர்பார்த்த லோன் எளிதில் கிடைக்கும். ஜூன் 30, ஜூலை 1 ஆகிய நாட்கள் சிறப்பானதாக அமையும். ஜூன் 24 க்கு பிறகு அரசு வகையில் அனுகூலம் உண்டாகும். போலீஸ், ராணுவத்தில் பணிபுரிபவர்கள் உயர்ந்த நிலை அடைவர்.

தொழிலதிபர்களுக்கு லாபம் சிறப்பாக இருக்கும்.  பொன், பொருள் சேரும். ஜூன் 24 வரை சற்று கவனமாக இருக்கவும். அரசு வகையில் பிரச்னை குறுக்கிடலாம். சிலர் சோதனைக்கு ஆளாகலாம். அதன் பின் வியாபாரிகளுக்கு அரசின் சலுகை கிடைக்கும். வங்கி கடன் எளிதாக கிடைக்கும்.  ஜூலை 5,6,9,10,11ல் சந்திரனால் தடைகள் வரலாம்.  ஜூன் 21,22ல் எதிர்பாராத வகையில் பணம் கிடைக்க பெறுவர்.

கலைஞர்கள் சுக்கிரனின் பலத்தால் முன்னேற்றம் காண்பர்.  அரசியல்வாதிகள் சிறப்பான நிலையை அடைவர்.  சமூகநல சேவகர்களுக்கு அந்தஸ்து அதிகரிக்கும். ஜூன் 18,19,20, ஜூலை 16ல் மனக்குழப்பம் ஏற்படலாம்.

மாணவர்களுக்கு ஆசிரியர்களின் ஆலோசனை கிடைக்கும். ஜூன் 24 வரை புதன் சாதகமற்ற இடத்தில் இருப்பதால் கூடுதல் அக்கறை தேவை.  போட்டிகளில் சிரத்தை எடுத்தால் தான் வெற்றி கிடைக்கும். ஜூன் 24 க்கு பிறகு முன்னேற்றம் காண்பர்.

விவசாயிகளுக்கு எதிர்பார்த்த மகசூல் கிடைக்கும். குறிப்பாக நெல், கோதுமை, சோளம் மற்றும் மானாவாரி பயிர்கள் நல்ல மகசூல் கிடைக்கும். கால்நடை வளர்ப்பில் எதிர்பார்த்த வருமானம் கிடைக்கும். புதிய சொத்து வாங்க அனுகூலமான காலகட்டம்.

பெண்களுக்கு கணவரின் அன்பும், ஆதரவும் கிடைக்கும்.  அக்கம்பக்கத்தினரிடம் கருத்துவேறுபாடு ஏற்படலாம். ஜூலை 7,8ல் பெற்றோர் வீட்டில் இருந்து உதவி கிடைக்கும்.

* நல்ல நாள்: ஜூன் 21,22,23,24,30,
ஜூலை 1,2,3,4,7,8,12,13  
* கவன நாள்: ஜூன் 25,26 சந்திராஷ்டமம்.
* அதிர்ஷ்ட எண்: 3,9   நிறம்: வெள்ளை, சிவப்பு

* பரிகாரம்:
● சனி, ராகு,கேதுவுக்கு அர்ச்சனை
● அஷ்டமியில் பைரவருக்கு நெய்தீபம்
● செவ்வாயன்று ஏழைக்கு துவரை தானம்