பெருந்தன்மை குணம் கொண்ட மீன ராசி அன்பர்களே!

இந்த மாதம் சூரியன் 3-ம் இடத்தில் நின்று குடும்பத்தை முன்னேற்ற பாதைக்கு அழைத்துச் செல்வார். 11ம் இடத்தில் இணைந்திருக்கும் செவ்வாய், கேது நற்பலன் தருவர்.

சுக்கிரன் ஜூன் 10ல் கடகத்திற்கு மாறினாலும், மாதம் முழுவதும் நன்மை தருவார். புதன் ஜூன் 6க்கு பிறகும் நற்பலனை கொடுப் பார். ராசிக்கு 10-ல் இருக்கும் சனி, 8-ல் உள்ள குரு 5-ல் உள்ள ராகு ஆகியோரால் சுமாரான பலன் உண்டாகும்.

சூரியனால் பொருளாதார வளம் சிறக்கும். தேவை அனைத்தும் பூர்த்தியாகும். ஆடம்பர வசதிகள் கிடைக்கும். தடைகளை எளிதில் முறியடிப்பீர்கள். சுக்கிரனால் சமூகத்தில் மதிப்பு, மரியாதை உயரும்.

உறவினர்களிடம் எதிர்பார்த்த உதவி கிடைக்கும். ஜூன் 10க்கு பிறகு பெரியோர்களின் ஆதரவும், ஆலோசனையும் கிடைக்கும். நண்பர்கள் உதவிகரமாக செயல்படுவர்.

பூர்வீகச் சொத்தின் மூலம் திடீர் வருமானம் கிடைக்கும். மனதில் பக்தி எண்ணம் மேலிடும்.

குருவின் 7-ம் இடத்துப்பார்வை சிறப்பாக அமைந்துள்ளதால்,  பகைவர் சதி உங்களிடம் எடுபடாது.

புதிய வீடு, மனை, வாகனம் வாங்க யோகமுண்டாகும். ஜூன் 7,8,9ல் பெண்களால் அனுகூலம் காணலாம்.  ஜூன் 3,4 ல்
உறவினர்கள் வருகையும் அவர்களால் நன்மையும் கிடைக்கும். ஆனால் மே18,19 ஜூன் 14ல் அவர்கள் வகையில் இருந்து சற்று ஒதுங்கி இருக்க வேண்டும். புதனால் உங்களுக்கு ஏற்பட்ட அவப்பெயர், செல்வாக்கு பாதிப்பு, வீண் மனக்கவலை முதலியன மே 21க்கு பிறகு மறையும். ஜூன் 6க்கு பிறகு பொன்,பொருள் சேரும்.

கணவன், மனைவி இடையே அன்பு, பாசம் மேலோங்கும்.
தொழில், வியாபாரத்தில் லாபம் சிறப்பாக இருக்கும். குறைந்த
முதலீட்டில் புதிய தொழில் தொடங்கலாம். புதனால் பகைவர்கள் வகையில் இருந்த இடையூறு, அரசு வகையில் உள்ள அனுகூல மற்ற போக்கு முதலியன ஜூன் 6க்கு பிறகு மறையும்.
அதுவரை வரவு-செலவு கணக்கை சரியாக வைத்துக் கொள்ளவும். அதன் பிறகு வங்கி கடன் எளிதாக கிடைக்கும். மே15, ஜூன் 5,6,10,11ல் சந்திரனால் சிறு தடைகள் வரலாம். மே 22,23ல் எதிர்பாராத லாபம் கிடைக்கும்.

பகைவர்களை எதிர்த்து வெற்றி கொள்ளும் ஆற்றல் பிறக்கும். ஜூன் 10க்கு பிறகு கோயில் மற்றும் புண்ணிய காரியங்களுக்கான தொழில் சிறந்து விளங்கும்.

பணியாளர்கள் பணிச்சுமையை சந்திக்கலாம். மே 21க்கு பிறகு அரசு வேலையில் இருப்பவர்கள் கூடுதல் கவனமுடன் இருக்கவும்.
தனியார் துறையில் பணிபுரிபவர்கள் பொறுப்புகளை வேறு
யாரிடமும் ஒப்படைக்க வேண்டாம். ஜூன் 6 க்கு பிறகு சகஊழியர்கள் ஆதரவுடன் செயல்படுவர். அதிகாரிகளின்
ஒத்துழைப்பு கிடைக்கும்.

விரும்பிய இடத்துக்கு மாற்றம் கிடைக்கும். மே 31, ஜூன் 9.12,13ல் எதிர்பாராத நன்மை கிடைக்கும்.

கலைஞர்கள் உற்சாகமான பலனை காண்பர். விரும்பிய புகழ், பாராட்டு கிடைக்கும். அரசிடம் இருந்து விருது, பாராட்டு கிடைக்கும். புதிய ஒப்பந்தம் கையெழுத்தாகும். அரசியல்வாதிகள், சமூகநல சேவகர்கள் நல்ல முன்னேற்றம் காணலாம். கடந்த காலத்தில் இருந்த பின்தங்கிய நிலை மறையும். மக்கள் மத்தியில் செல்வாக்கு அதிகரிக்கும். மே 20,21ல் மனக்குழப்பம் ஏற்படலாம் கவனம்.

மாணவர்கள் நல்ல முன்னேற்றம் காணலாம். ஆசிரியர்களின் மத்தியில் நற்பெயர் உண்டாகும். ஜூன் 6க்கு பிறகு மேற்படிப்பில்
விரும்பிய பாடம் கிடைக்கும்.

விவசாயிகளுக்கு நல்ல மகசூல் கிடைக்கும். பால் தொழிலில் நல்ல முன்னேற்றம் காணலாம். புதிய சொத்து வாங்க அனுகூலம் உண்டு.

பெண்கள் வாழ்வில் குதூகலம் உண்டாகும். மே 16,17, ஜூன் 12,13ல் நகைகள் மற்றும் ஆடம்பர பொருள் வாங்கலாம். மே 24,25 சிறப்பான நாட்களாக அமையும். சகோதர வழியில் பணஉதவி கிடைக்கும்.

விருந்து, விழா என சென்று வருவீர்கள். ஜூன் 6க்கு பிறகு குடும்பத்தோடு புனித தலங்களுக்கு சென்று வருவீர்கள்.

* நல்ல நாள்: மே 16,17, 22,23,24,25,31,  ஜூன் 1, 2,3,4,7,8,9,12,13
* கவன நாள்: மே 26,27,28 சந்திராஷ்டமம் அதிர்ஷ்ட எண்: 3,9
* நிறம்: வெள்ளை, சிவப்பு

* பரிகாரம்:
●  வெள்ளியன்று மாலையில் லட்சுமி வழிபாடு
●  வியாழனன்று தட்சிணாமூர்த்திக்கு அர்ச்சனை
●  சுவாதியன்று நரசிம்மருக்கு நெய் விளக்கு