திருவண்ணாமலை :திருவண்ணாமலை, அருணாசலேஸ்வரர் கோவில் கார்த்திகை தீப திருவிழாவை முன்னிட்டு, மலை மீது ஏற்றிய மஹா தீபம், இன்று இரவுடன் நிறைவடைகிறது.

திருவண்ணாமலை, அருணாசலேஸ்வரர் கோவில், கார்த்திகை தீப திருவிழாவையொட்டி, 10ம் தேதி, 2,668 அடி உயர அண்ணாமலையார் மலை உச்சியில், மகாதீபம் ஏற்றப்பட்டது. தொடர்ந்து, 11 நாட்கள் எரியும் இந்த தீபம், 40 கி.மீ., வரையுள்ள பக்தர்கள், தினசரி கண்டு வழிபட்டு வருகின்றனர். இந்நிலையில், மலைமீது ஏற்றப்பட்ட மகாதீபம், இன்று இரவுடன் நிறைவடைகிறது. நாளை காலை மகாதீப கொப்பரை, மலை உச்சியிலிருந்து, அருணாசலேஸ்வரர் கோவிலுக்கு எடுத்துச் செல்லப்படும். அதிலிருந்து சேகரிக்கப்பட்ட தீப சுடர் மை பிரசாதம், ஜன., 10-ல் நடக்கும், ஆருத்ரா தரிசனத்தன்று, முதலில் நடராஜருக்கு சாற்றப்பட்டு, பின் பக்தர்களுக்கு வழங்கப்படும்.