காஞ்சிபுரம்: செங்கல்பட்டு மாவட்டங்களில், ஆஞ்சநேயர் கோவில்களில், அனுமன் ஜெயந்தி விழா, விமரிசையாக நடந்தது.

திருப்போரூர் அடுத்த புதுப்பாக்கத்தில் உள்ள, திருமலை வீர ஆஞ்சநேயர் கோவிலில், அனு மன் ஜெயந்தி விழா, நேற்று நடந்தது.விழாவை ஒட்டி, மூலவர் வெண்ணை காப்பு அலங்காரத் தில் அருள்பாலித்தார். மேலும், பால்குட அபிஷேகம் மற்றும் லட்சார்ச்சனை வைபவம் நடந்தது.

அதேபோல், திருப்போரூர் அடுத்த நெல்லிக்கும் ஆதிகேசவ பெருமாள் கோவில் வளாக ஆஞ்சநேயர் கோவிலில், 27ம ஆண்டு ஜெயந்தி விழா நடந்தது.செங்கல்பட்டு கோட்டைவாயில் ஆஞ்சநேயர் கோவில், காஞ்சிபுரம் அடுத்த, கோவிந்தவாடி வீர ஆஞ்சநேயர் கோவில்களில், ஆஞ்சநேயருக்கு, சிறப்பு பூஜை நடந்தது. ஸ்ரீபெரும்புதுார் அடுத்த மகாண்யம் கன்யாகுமாரி ஜெய ஆஞ்சநேயர் கோவிலில், 24 அடி உயர ஆஞ்சநேயருக்கு, நேற்று 25ம் தேதி காலை, மூல மந்திரம், ஒமம், வெண்ணை காப்பு அலங்காரம் நடந்தது.