நகரி: காளஹஸ்தி கோவிலில், 30 நாட்களில், பக்தர்கள், 1.29 கோடி ரூபாய் காணிக்கையை, உண்டியலில் செலுத்தி உள்ளனர்.சித்துார் மாவட்டம், காளஹஸ்தியில், ஞானபிரசூன்னா அம்பிகை சமேத வாயுலிங்கேஸ்வரர் கோவில் உள்ளது.

இக்கோவிலுக்கு, தினமும், பல்லாயிரக்கணக்கான பக்தர்கள் வந்து, மூலவரை தரிசிக்கின்றனர். பக்தர்கள் தங்களது வேண்டுதலை நிறைவேற்ற, கோவில் உண்டியலில், ரொக்கம், வெள்ளி மற்றும் வெளிநாட்டு நாணயங்களை, காணிக்கை செலுத்துகின்றனர்.அந்த வகையில், கடந்த, 30 நாட்களில், பக்தர்கள் செலுத்திய உண்டியல் காணிக்கை, கோவில் நிர்வாக அதிகாரி சந்திரசேகர ரெட்டி முன்னிலையில், கோவில் ஊழியர்கள் எண்ணினர்.இதில், 1 கோடியே, 29 லட்சத்து, 70 ஆயிரத்து, 89 ரூபாய், 546 கிலோ வெள்ளி, 171 வெளிநாட்டு கரன்சி ஆகியவை இருந்தன.