அன்னுார்:அன்னுார் மன்னீஸ்வரர் கோவில் தேர்த்திருவிழா நாளை (ஜன., 1ல்) கொடியேற்றத் துடன் துவங்குகிறது.அன்னுார் மன்னீஸ்வரர் கோவிலில், ஒவ்வொரு ஆண்டும் மார்கழி மாதம் தேரோட்டம் நடக்கிறது. இந்த ஆண்டு தேர்த்திருவிழாவில் இன்று 31ம் தேதி காலையில், கிராம தேவதை வழிபாடும், இரவு கிராம சாந்தியும் நடக்கிறது. நாளை (ஜன., 1ல்)அதிகாலையில் கணபதி வேள்வியும், 7:30 மணிக்கு கொடியேற்றமும், பின்னர் கயிலை வாத்தியத்துடன் சுவாமி திருவீதியுலாவும் நடக்கிறது.

வரும் ஜன., 1ம் தேதி காலையில் சூரிய வாகனத்திலும், மாலையில் சந்திர வாகனத்திலும் சுவாமி திருவீதியுலா நடக்கிறது. 2ம் தேதி மாலையில் பூத வாகனத்திலும், 3ம் தேதி மாலையில் புஷ்ப பல்லக்கிலும் உலா நடக்கிறது.தேரோட்டம் வரும் 6ம் தேதி காலை 10:30 மணிக்கு துவங்கி நடக்கிறது. மடாதிபதிகள் உள்ளிட்டோர் பங்கேற்கின்றனர்.