உடுமலை:உடுமலை திருப்பதி, ஸ்ரீ வேங்கடேச பெருமாள் கோவிலில், வைகுண்ட ஏகாதசி சொர்க்க வாசல் திறப்பு வரும், 6ம் தேதி நடக்கிறது.உடுமலை திருப்பதி, ஸ்ரீ வேங்கடேச பெரு மாள் கோவிலில், மார்கழி உற்சவத்தை முன்னிட்டு தினமும், காலை பாசுர சேவை, எம்பெரு மாளுக்கு சிறப்பு அபிஷேக, அலங்கார பூஜைகள் நடந்து வருகின்றன.

வைகுண்ட ஏகாதசி விழாவில், முக்கிய நிகழ்ச்சியான சொர்க்கவாசல் திறப்பு, வரும் 6ம் தேதி நடக்கிறது. இதனையொட்டி, கோவில் வளாகத்தில், வரும், 5ம் தேதி இரவு, 9:00 மணிக்கு, கும்மி, கோலாட்டம், பக்தி இன்னிசை, தேவகான இன்னிசை உள்ளிட்ட நிகழ்ச்சிகள், இரவு முழுவதும் நடக்கிறது. வரும் ஜன., 6ம் தேதி அதிகாலை, 4:00க்கு, எம்பெருமாள் பரமபதவாசலுக்கு எழுந்தருளும் நிகழ்ச்சி நடக்கிறது.