புதுடில்லி: உடல் எதிர்ப்பு சக்தியை அதிகரிக்கும் வகையில், ஆன்லைனில் யோகா மற்றும் மூச்சு பயிற்சி வகுப்புகள் நடத்துவதற்கு வாழும் கலை அமைப்பு ஏற்பாடு செய்துள்ளது.

கொரோனா அச்சுறுத்தல் காரணமாக நாடு முழுவதும் ஊரடங்கு அமல்படுத்தப்பட்டுள்ளது. இந்த காலத்தில் பள்ளி, கல்லூரிகளில் ஆன்லைன் மூலம் பாடம் நடத்தப்படுகிறது. இந்நிலையில், வாழும் கலை அமைப்பு வெளியிட்ட அறிக்கை: உடல் எதிர்ப்பு சக்தியை அதிகரிக்கும் வகையில், ஆன்லைனில் யோகா மற்றும் மூச்சு பயிற்சிக்கு ஏற்பாடு செய்துள்ளது. இன்று(ஏப்., 29) முதல் மே 2 வரை ஆன்லைன் மூலம் வகுப்புகள் நடத்தப்பட உள்ளது. இது குறித்து 9884099860 என்ற எண்ணில் தொடர்பு கொண்டு தகவல்களை பெறலாம். இவ்வாறு அந்த அறிக்கையில் கூறப்பட்டுள்ளது.