திருப்பூர்:திருப்பூர் சக் ஷம் அமைப்பு சார்பில், மகான் சூர்தாஸர் ஜெயந்தி விழாவில், கொரோனாவில் இருந்து உலகம் விடுபட வேண்டுமென வழிபாடு நடந்தது.சக் ஷம் அமைப்பினரின் வழிகாட்டியாக விளங்கும் மகான் சூர்தாஸரின், 542 வது ஜெயந்தி விழா நேற்று கொண்டாடப்பட்டது. மாவட்ட சக் ஷம் சார்பில், உறுப்பினர் வீடுகளில் ஜெயந்தி விழா கொண்டாடுவது என முடிவு செய்யப்பட்டது.அதன்படி, வீடுகளில் நேற்று வழிபாடு நடந்தது. சூர்தாஸர் படத்துக்கு மாலை அணிவித்தும், தேங்காய், பழம், சர்க்கரை பொங்கல், சுண்டல் வைத்தும் வழிபாடு நடத்தப்பட்டது. அப்போது, மாற்றுத்திறனாளிகள் கொரோனாவில் இருந்து குணமடைய வேண்டும். உலக மக்கள் கொரோனாவில் இருந்து விடுபட வேண்டுமென வேண்டுதல் நடத்தப்பட்டது.