குளித்தலை: குளித்தலை அருகே, தூய்மை பணியாளர்களுக்கு பாத பூஜை செய்யப்பட்டது. குளித்தலை, எம்.பி.எஸ்., அக்ரஹாரம் பகுதியில், தூய்மை பணியில் ஈடுபட்டு வரும் நகராட்சி தூய்மை பணியாளர்கள் மாரியப்பன், வெள்ளையன். இவர்களது பணியை போற்றும் வகையில் உழவர் மன்ற அமைப்பாளரும், காவிரி டெல்டா பாசன விவசாயிகள் சங்க மாநில நிர்வாகியுமான கோபால தேசிகன், மூத்த வக்கீல் ரெங்கா நந்தகுமார் ஆகியோர், தூய்மை பணியாளர்களுக்கு மலர்களால் பாத பூஜை செய்து, கவுரவித்தனர்.