தியாகதுருகம்: தியாகதுருகம் பெருமாள் கோவிலில் வைகுண்ட ஏகாதசியை முன்னிட்டு சொர்க்கவாசல் திறப்பு வைபவம் நடந்தது.

தியாகதுருகத்தில் உள்ள ஸ்ரீதேவி பூதேவி சமேத சீனிவாச பெருமாள் கோவிலில் வைகுண்ட ஏகாதசியை முன்னிட்டு நேற்று அதிகாலை 3:00 மணிக்கு சுவாமிக்கு திருமஞ்சனம், அலங்காரம், தீபாராதனை நடந்தது. அதைத்தொடர்ந்து 5:00 மணிக்கு சொர்க்கவாசல் வழியே சுவாமி சர்வ அலங்காரத்தில் எழுந்தருளி பக்தர்களுக்கு அருள்பாலித்தார். திரளான பக்தர்கள் கலந்துகொண்டு பெருமாளை தரிசித்தனர். அதைத் தொடர்ந்து சுவாமி திருவீதி உலா நடந்தது.  சமுதாய பராமரிப்பு கமிட்டி தலைவர் கிருஷ்ணமூர்த்தி பிள்ளை, துணைத்தலைவர் ரங்கராஜி, மவுண்ட் பார்க் பள்ளி தாளாளர் மணிமாறன், தி.மு.க., அவைத்தலைவர் ராதாகிருஷ்ணன், ஆர்ய வைஸ்ய சங்க தலைவர் அபரஞ்சி, அ.தி.மு.க., நகர செயலாளர் ஷியாம் சுந்தர், முன்னாள் பேரூராட்சி மன்ற தலைவர் விஜயா ராஜு, முன்னாள் துளுவ வேளாளர் சங்க தலைவர் அரங்க வேல்முருகன், அ.தி.மு.க., நகர பாசறை செயலாளர் கிருஷ்ணராஜ், சஷ்டி இண்டஸ்ட்ரீஸ் உரிமையாளர் வேல்நம்பி,, வேலு எலக்ட்ரிக்கல்ஸ் உரிமையாளர் சிவகுமார், தே.மு.தி.க., மாவட்ட அவைத்தலைவர் கோவி முருகன், நகர செயலாளர் முருகன், எஸ்.கே., ரியல் எஸ்டேட் உரிமையாளர் சங்கர், நல்லாப்பிள்ளை, முருகன், ராஜாங்கம், குப்புசாமி ராஜேந்திரன் சரவணன், கோமதுரை, முத்துகிருஷ்ணன், சுந்தர் உள்ளிட்ட பலர் கலந்து கொண்டனர்.