அன்னூர்: அன்னூர் வட்டாரத்தில், கிறிஸ்மஸ் விழா கோலாகலமாக  கொண்டாடப்பட்டது.

கிறிஸ்துமஸ் பண்டிகையை முன்னிட்டு, அன்னூர், சி.எஸ்.ஐ., கிறிஸ்துநாதர் ஆலயத்தில், நேற்று அதிகாலை 4:30 மணிக்கு, ஆராதனை துவங்கி, 6:30 மணி வரை நடந்தது. இதில் ஆயர் சேகர் கிறிஸ்மஸ் சிறப்பு செய்தி அளித்தார். ஆலய செயலாளர் ஜெயபிரகாஷ், பொருளாளர் பிரபு உள்பட திரளான கிறிஸ்தவர்கள் புத்தாடைகள் அணிந்து ஆராதனையில் பங்கேற்றனர். பண்டிகையை முன்னிட்டு, இரு தினங்களுக்கு முன், ஏழைகளுக்கு, புத்தாடைகள் வழங்கப்பட்டன. நேற்று முன்தினம் மாலை முதல், நேற்று காலை வரை, மின் விளக்குகளால் ஆலயம் ஜொலித்தது. கெம்பநாயக்கன்பாளையம், சி.எஸ்.ஐ., கிறிஸ்துநாதர் ஆலயத்தில், நேற்று முன்தினம் நள்ளிரவு 12:00 மணிக்கு, துவங்கி, அதிகாலை 2:00 மணி வரை, ஆராதனை நடந்தது. ஆயர் காட்வின் ஜாய்சன் சிறப்புச் செய்தி அளித்தார். தொடக்க வேளாண் கூட்டுறவு சங்க தலைவர் சாய் செந்தில் தலைமையில், ஊராட்சி தலைவர் தங்கராஜ், மற்றும் அ.தி.மு.க.,வினர் அனைவருக்கும் கிறிஸ்மஸ் கேக் வழங்கினர். வாலிபர் ஐக்கிய சங்க பொருளாளர் குணசேகரன், உறுப்பினர்கள் சதீஷ்குமார், பிரபுராஜ், ரெஜினா உள்பட பலர் பங்கேற்று, கிறிஸ்துமஸ் வாழ்த்துக்களை பரிமாறிக்கொண்டனர்.