சிங்கம்புணரி : சிங்கம்புணரி அருகே சதுர்வேதமங்கலம் ஆத்ம நாயகி ருத்ரகோடீஸ்வரர் கோயில் தேரோட்டம் நேற்று நடந்தது. இக்கோயிலின் மாசிமகத் திருவிழா பிப்.17ல் கொடியேற்றத்துடன் தொடங்கியது.

பத்து நாள் மண்டகப்படியாக நடக்கும் இத்திருவிழாவின் 9 ம் நாளான நேற்று தேரோட்டம் நடந்தது. இதையொட்டி காலை9:30 மணிக்கு பிரியாவிடையுடன் ருத்ரகோடீஸ்வரர் திருத்தேரில் எழுந்தருளினார். ஆத்மநாயகி அம்பாள் சிறிய தேரிலும், விநாயகர், சுப்ரமணியர், சண்டிகேஸ்வரர் சப்பரங்களிலும் எழுந்தருளினர். சிறப்பு வழிபாட்டுக்கு பிறகு மாலை 5:00 மணிக்கு பொன்னம்பலஅடிகள் தேரோட்டத்தை துவக்கிவைத்தார். இதை தொடர்ந்து பக்தர்கள் வடம் பிடித்து தேரை இழுத்தனர். நான்கு ரத வீதிகளில் தேர் பவனிவந்த போது வழி நெடுகபக்தர்கள் அர்ச்சனை செய்துசுவாமி, அம்பாளை வழிபட்டனர். பெண்கள் கும்மியடித்து வழிபட்டு தேருக்கு வரவேற்புசெய்தனர். மாலை 6:00 மணிக்கு தேர் நிலையை அடைந்தது. இத்தேரோட்டத்தில் ஏராளமான பக்தர்கள் பங்கேற்றனர். 10 ம் திருவிழாவான இன்று தீர்த்தவாரி உற்சவம் நடக்கிறது.