விழுப்புரம் : சட்டசபை தேர்தல் ஓட்டுப்பதிவையொட்டி, விழுப்புரம் தி.மு.க., வேட்பாளர் லட்சுமணன் தனது வீட்டில் கோ பூஜை செய்தார்.

தமிழகத்தில் 16வது சட்டசபை தேர்தல் நேற்று நடந்தது. இத்தேர்தலில், விழுப்புரம் சட்டசபை தொகுதியில் தி.மு.க., சார்பில் அக்கட்சியின் மாநில மருத்துவரணி இணை செயலாளர் லட்சுமணன் போட்டியிடுகிறார்.நேற்று ஓட்டுப்பதிவையொட்டி, லட்சுமணன், தனது வீட்டில் சிறப்பு பூஜைக்கு ஏற்பாடு செய்திருந்தார். பிரம்ம முகூர்த்த அதிகாலை நேரத்தில் கோ பூஜை செய்தார். பின், வில்வ, வேம்பு தல விருட்சத்திற்கு, மனைவி மகாலட்சுமியுடன், பூஜை செய்து, வழிபட்டார். தி.மு.க., வேட்பாளரின் இந்த சிறப்பு பூஜை சமூக வலைதளங்களில் வைரலாக பரவி வருகிறது.