ஸ்ரீநகர்: காஷ்மீரில் வைஷ்ணவ தேவி கோவிலில் இன்று திடீரென தீ விபத்து ஏற்பட்டது. காஷ்மீரின் ரீசாய் மாவட்டத்தில் கத்ரா நகரில் பிரசித்தி பெற்ற வைஷ்ண தேவி கோயில் உள்ளது. கோயில் வளாகத்தினுள் போடப்பட்டிருந்த கொட்டகையில் திடீரென தீ பற்றிக்கொண்டது. கொட்டகை முழுவதும் தீக்கிரையானது. தகவலறிந்த தீயணைப்பு படையினர் வாகனங்களில் விரைந்து வந்து தீயை அணைத்து கட்டுக்குள் கொண்டு வந்தனர். இந்த தீ விபத்தில் உயிர்சேதம் ஏதுவும் இல்லை. நிலைமை கட்டுக்குள் உள்ளதாக தேவஸ்தான தலைமை நிர்வாகி தெரிவித்தார். தீ விபத்திற்கான காரணம் குறி்த்து விசாரணை நடந்து வருகிறது.