தி.மலை : ஆனி மாத பவுர்ணமி கிரிவலத்துக்கு தடை விதித்து, திருவண்ணாமலை மாவட்ட கலெக்டர் முருகேஷ் உத்தரவிட்டுள்ளார்.

அவர் நேற்று வெளியிட்ட அறிக்கை: ஒவ்வொரு மாதமும் பவுர்ணமியன்று, திருவண்ணாமலை அண்ணாமலையார் மலையை ஏராளமானோர் கிரிவலம் வருவர். கொரோனா தொற்று பரவலால், 2020 மார்ச் முதல், தொடர்ந்து ஊரடங்கு சில தளர்வுகளோடு அமலில் உள்ளது. தற்போது, 28ம் தேதி காலை, 6:00 மணி வரை, தளர்வுகளுடன் ஊரடங்கு நீட்டிப்பு செய்யப்பட்டுள்ளது. எனவே, இம்மாதம் 24ல் காலை, 3:10 முதல், 25ல் பகல், 12:55 வரை ஆனி மாத பவுர்ணமி திதி வருவதால், அப்போது கிரிவலம் செல்ல தடை விதிக்கப்பட்டுள்ளது. இதனால், பக்தர்கள் யாரும் கிரிவலத்துக்காக திருவண்ணாமலைக்கு வர வேண்டாம். இவ்வாறு அவர் தெரிவித்துள்ளார்.