திருப்பதி : திருமலை திருப்பதி தேவஸ்தானம் சார்பில், ஜூலை மாதத்திற்கான விரைவு தரிசன டிக்கெட் இன்று காலை இணையதளத்தில் வெளியிடப்பட உள்ளது.

திருமலை ஏழுமலையானை தரிசனம் செய்ய வரும் பக்தர்களின் வசதிக்காக, தேவஸ்தானம் சார்பில் மாதந்தோறும் விரைவு தரிசன டிக்கெட்டுகள், இணையதள முன்பதிவில் வெளியிடப் படுகின்றன. இதன்படி இன்று காலை 9:00 மணிக்கு, ஜூலை மாதத்துக்கான, 300 ரூபாய் விரைவு தரிசன டிக்கெட், தேவஸ்தான இணையதளத்தில் வெளியிடப்பட உள்ளது. தினசரி, 5,000 டிக்கெட்டுகள் முன்பதிவில் வைக்கப்பட உள்ளன. மேலும் நாளை காலை 9:00 மணிக்கு, ஜூலை மாதத்திற்கான வாடகை அறை முன்பதிவுகள், இணையதளத்தில் வெளியிடப்பட உள்ளன.