சென்னை: சென்னை, திருவல்லிக்கேணியில் பார்த்தசாரதி கோவில் அமைந்துள்ளது. திவ்யதேசங்களில் ஒன்றாக விளங்கும் இக்கோவிலில் பெரியாழ்வார் அவதார உற்சவம் நேற்று நடைபெற்றது. காலை, 8:30 மணி முதல், 9:15 மணிவரை நரசிம்ம சுவாமி, பெரியாழ்வார் திருமஞ்சனம் நடைபெற்றது. அதைத் தொடர்ந்து காலை, 9:30 மணி முதல், 11:30 மணி வரை, திருப்பாவை கோஷ்டி, சாற்றுமறை, மாலை, 6:00 மணி முதல் 7:30 மணி வரை, திருவாய்மொழி கோஷ்டி, சாற்றுமறை நடைபெற்றது. இந்த உற்சவத்தை பக்தர்கள் அனைவரும், youtube இணையதளத்தில்  நேரலையாக கண்டு தரிசனம் செய்தனர்.