காரைக்குடி: காரைக்குடி பகுதியில் உள்ள அம்மன் கோயில்களில், ஆடி மாதத்தை முன்னிட்டு பக்தர்கள் கூழ் ஊற்றி நேர்த்திக்கடன் செலுத்தினர்.

மழைக் காலத்தின் துவக்கமான ஆடிமாதத்தில் நல்ல மழை வேண்டியும், விவசாயம் செழிக்கவும், நோய்கள் பரவாமல் இருக்கவும், அம்மனுக்கு முன்னோர்கள் பண்டிகைகள் நடத்தினர். ஆடி மாத செவ்வாய், ஆடிவெள்ளியில் அம்மன் கோயில்களில் சிறப்பு வழிபாடுகள் செய்தும், கூழ் ஊற்றியும் பக்தர்கள் நேர்த்திக்கடன் செலுத்துவர். இதனால் ஆடி மாதத்தில் கோயில்களில் பக்தர்கள் கூட்டம் அலைமோதும். தற்போது, கொரோனா பரவல் காரணமான கோயில்களில் மக்கள் அதிகம் கூட தடை விதிக்கப்பட்டுள்ளது. ஆடி செவ்வாயான இன்று காரைக்குடி மீனாட்சிபுரம் முத்துமாரியம்மன் கோயிலில் பக்தர்கள் அதிக அளவில் வந்து தரிசனம் செய்தனர். கோயில் வாசலில் கூழ் ஊற்றி பக்தர்கள் நேர்த்திக்கடன் செலுத்தினர்.