பழநி: பழநி மலைக்கோயிலில் நேற்று (செப்.16) உண்டியல் எண்ணிக்கை நடைபெற்றது. இதில் 945 கிராம் தங்கமும், 33 ஆயிரத்து 367 வெள்ளியும் கிடைத்தது. மேலும் ரூ 1 கோடியே 64 லட்சத்து 3 ஆயிரத்து 130 மற்றும் 84 வெளிநாட்டு கரன்சிகள் காணிக்கையாக கிடைத்துள்ளது. உண்டியல் எண்ணிக்கையில் இணை ஆணையர் நடராஜன், உதவி ஆணையர் செந்தில்குமார், நந்தகுமார் உட்பட அலுவலர்கள், பணியாளர்கள், ஊழியர்கள், கல்லூரி மாணவ, மாணவிகள், ஆசிரியர்கள் உட்பட பலர் கலந்து கொண்டனர்.