ஹாசன்: ஆண்டுக்கு ஒரு முறை மட்டுமே திறக்கப்படும், பிரசித்தி பெற்ற ஹாசனாம்பா தேவி கோவில், இந்தாண்டு, அக்டோபர் 28ல் திறக்கப்படவுள்ளது.

ஹாசனில் பிரசித்தி பெற்ற ஹாசனாம்பா தேவி கோவில் அமைந்துள்ளது. 12ம் நுாற்றாண்டில் கட்டப்பட்டஇந்த கோவில் தீபாவளி பண்டிகைக்கு முன், ஆண்டுக்கு ஒரு முறை மட்டுமே திறக்கப்படுவது வழக்கம். அப்போது ஒரு வாரம் மட்டுமே திறந்திருக்கும்; பின் மீண்டும் மூடப்படும். இந்தாண்டு எப்போது திறக்கலாம் என்பது குறித்து, ஹாசன் மாவட்ட கெலக்டர் கிரீஷ் தலைமையில் நேற்று ஆலோசனை கூட்டம் நடந்தது. கூட்டத்தில், அக்டோபர், 28ல் ஹாசனாம்பா கோவில் திறப்பதற்கு முடிவு செய்யப்பட்டது. கொரோனாவால் பக்தர்களுக்கு அனுமதி வழங்குவது குறித்து ஹிந்து அறநிலைய துறையுடன் ஆலோசித்து அறிவிக்கப்படும்