பனசங்கரி : பெங்களூரை சேர்ந்த ஹிந்து ஆத்யாமிகா சேவா அறக்கட்டளை சார்பில், முதல் முறையாக திருமலை திருப்பதிக்கு திருக்குடம் அனுப்பி வைக்கும் நிகழ்ச்சி இன்று நடைபெறுகிறது.

இது குறித்து அறக்கட்டளை தலைவர் சீனிவாஸ், செயலர் சீனிவாசமூர்த்தி ஆகியோர் வெளியிட்டுள்ள அறிக்கை:திருமலை திருப்பதிக்கு திருக்குடம் அர்ப்பணிக்க உள்ளோம். இதற்காக பெங்களூரு பனசங்கரி, 2வது கட்டத்தில் உள்ள தேவகிரி வெங்கடேஸ்வரா கோவில் வளாகத்தில் இன்று பூஜை நடத்தி திருமலைக்கு அனுப்பி வைக்கப்படுகிறது.காலை 9:00 மணிக்கு மங்கள வாத்தியம்; 9:30 மணிக்கு நாமாவளி அர்ச்சனை; 10:00 மணிக்கு திருப்பாவை, திருவெம்பாவை பாராயணம்; 11:00 மணிக்கு மஹா மங்களாரத்தி; 11:30 மணிக்கு பிரசாதம் வினியோகம்.இதே வேளையில் கோவிலில் தசரா பிரம்மோற்சவம் துவங்கப்படுகிறது.இவ்வாறு அதில் குறிப்பிடப்பட்டுள்ளது.