பாலக்காடு: கார்த்திகை ஏகாதசியை முன்னிட்டு, குருவாயூர் கிருஷ்ணன் கோவிலில் செம்பை சங்கீத உற்சவம் இன்று துவங்குகிறது.

இன்று முதல் டிசம்பர் 14 வரை நடக்கும் சங்கீத உற்சவத்தில் 2,000 இசைக் கலைஞர்கள் பங்கேற்கின்றனர். மேல்பத்துார் கலையரங்கில் மாலை 6:00 மணிக்கு கேரள அமைச்சர் ராதாகிருஷ்ணன் துவக்கி வைக்கிறார். நாதஸ்வர வித்வான் ஜெய்சங்கருக்கு, செம்பை நினைவு விருது வழங்கப்படுகிறது. செம்பை வைத்தியநாத பாகவதர் பயன்படுத்திய தம்புரா ஊர்வலம், பாலக்காடு செம்பை கிராமத்தில் இருந்து குருவாயூருக்கு இன்று காலை புறப்படுகிறது. நேற்று செம்பை வித்யாபீடம் நிர்வாகிகளிடம் இருந்து தம்புராவை, குருவாயூர் தேவஸ்தான நிர்வாகத்தினர் பெற்றுக் கொண்டனர்.