மேலூர்: தும்பைபட்டி வீரகாளியம்மன் கோயில் கும்பாபிஷேகத்தை முன்னிட்டு டிச.6 யாகசாலை பூஜைகள் துவங்கியது. நான்காம் கால யாகசாலை பூஜை முடிவில் நேற்று கும்பத்தில் சிவாச்சாரியார் தட்சிணா மூர்த்தி புனித நீர் ஊற்றி கும்பாபிஷேகம் நடத்தினார். பக்தர்களுக்கு அன்னதானம் வழங்கப்பட்டது. மேலூர், தும்பைபட்டி பகுதிகளைச் சேர்ந்த 10 ஆயிரத்திற்கும் மேற்பட்ட பக்தர்கள் கலந்து கொண்டனர். இதேபோல் புலிமலைபட்டி மட கருப்புசாமி, காயாம்பட்டி சித்தி விநாயகர் கோயில், சொக்கலிங்கபுரம் உமையாம்பிகை அம்மன் கோயில்களிலும் நேற்று கும்பாபிஷேகம் நடைபெற்றது.