பெரம்பலூர் : பெரம்பலூரில் வைகுண்ட ஏகாதசி விழாவை முன்னிட்டு, நடைபெற்ற சொர்க்கவாசல் திறப்பு நிகழ்ச்சியில் திரளான பக்தர்கள் கலந்து கொண்டு தரிசனம் செய்தனர்.

பெரம்பலூர் மதனகோபாலசுவாமி   கோயிலில் வைகுண்ட ஏகாதசி விழா பகல்பத்து உற்சவத்துடன் நடைபெற்றுவந்தது. விழாவின் முக்கிய நிகழ்வான சொர்க்கவாசல் திறப்பு நிகழ்ச்சி இன்று காலை நடைபெற்றது. காலை சரியாக 6 மணிக்கு சுவாமி பரமபதவாசல் வழியாக எழுந்தருளி பக்தர்களுக்கு காட்சியளித்தார். சிறப்பு அலங்காரத்துடன் எழுந்தருளிய சுவாமிக்கு தீபாராதனை காண்பிக்கப்பட்டது. அப்போது அங்கிருந்த பக்தர்கள் கோவிந்தா கோஷத்துடன் பெருமாளை சேவித்தனர். இதே போல் மாவட்டத்தில் உள்ள பிற பெருமாள் கோவில்களில் சொர்க்கவாசல் திறப்பை முன்னிட்டு சிறப்பு வழிபாடு நடத்தப்பட்டது.